Во несреќата учествувале автобус со босанско-херцеговски регистарски таблички, и автомобил, исто така со босанско-херцеговски регистарски таблички
Две лица загинаа, а најмалку 24 се повредени во страшна сообраќајна несреќа која се случила синоќа околу 3 часот по полноќ на автопатот А3 помеѓу Поповача и Криж во Хрватска, пренесува „Јутарњи лист“. Повредените во несреќата се пренесуваат во болниците во Сисак, Загреб и Пакрац. Полицијата соопшти дека несреќата се случила на 83 километри од Загреб и оти во неа учествувале автобус со босанско-херцеговски регистарски таблички, и автомобил, исто така со босанско-херцеговски регистарски таблички.
Во тек е увидот, предводен од жупанскиот државен обвинител од Сисак, за да се утврдат околностите на несреќата. Додека трае увидот, сообраќајот се одвива отежнато.
„Тешка сообраќајна несреќа се случи околу 03:10 часот. Според првичните информации, две лица загинаа, а неколку други се повредени и пренесени во блиските болници“,
велат од хрватската полиција.