Во експлозијата, според косовската полиција, биле оштетени и седум автомобили кои биле во близина. Безбедносните органи на Косово велат дека работат на расчистување на случајот
Две лица се повредени во експлозија на рачна бомба која одекнала доцна синоќа во Северна Митровица, пренесуваат српските и регионалните медиуми.
Заменик- директорот на полицијата за северниот дел на Косово, Ветон Елшани за регионалниот сервис на Радио Слободна Европа (РСЕ) изјавил дека едно од повредените лица е во тешка здравствена состојба и се наоѓа на лекување во болница во Северна Митровица. Сепак, и покрај тешката состојба, според Елшани, повредниот е надвор од животна опасност.
Другото лице, како што се наведува, е полесно повредено.
„Немаме причина да веруваме дека овој случај е поврзан со етнички прашања“,
рекол заменик-директорот на полицијата за северот на Косово.
Полицијата соопштила дека инцидентот се случил синоќа во 23:50 часот, кога три лица од српска националност, од кои двајца се повредени, излегле од ресторан кај хотелот „Бишевац“ на улицата „Кнез Милош“ во Северна Митровица. Во тој момент им се приближил автомобил од кој била фрлена рачната граната.
Во експлозијата, според полицијата, биле оштетени и седум автомобили кои биле во близина. Безбедносните органи на Косово велат дека работат на расчистување на случајот.
Around midnight, a grenade was thrown in North Mitrovica, a serb majority municipality. The explosion injured two people have been, and damaged seven cars.
— Kosovo News (@Cgiauto2) January 16, 2024
Kosovo Police is investigating the case. KFOR and EULEX are present too.#Kosovo pic.twitter.com/Ncd1O3ItaL
Експлозијата, како што пренесува Н1, ги вознемирила жителите на Северна Митровица, а дел од улица „Кнез Милош“ била затворена за сообраќај.
Според телевизијата, на местото пристигнале и припадници на ЕУЛЕКС и на КФОР, а истрагата за инцидентот е во тек.
Во Северна Митровица, општина со мнозинско српско населени и претходно имаше инциденти со експлозивни направи.