fbpx
Свет

Два земјотреса регистрирани ноќеска во Косово, почувствувани и во дел од С Македонија

360степени | 12 декември, 2024 08:23

Земјотресите, според пишувањата од граѓаните на социјалните мрежи, биле почувствувани и во северниот дел на Македонија, во околината на Тетово, Гостивар и во Скопје

Два земјотреси, едниот со јачина од 4, а другиот од 3,2 степени според Рихтеровата скала се регистрирани ноќеска во Призрен, Косово, соопшти Европскиот медитерански сеизмолошки центар (ЕМСЦ).

Првиот од земјотресите, со јачина од 4 степени, се случил по локално време во 1:46 часот на 16 километри од Призрен и на 74 километри западно од Скопје. Земјотресот бил на длабочина од 10 километри.

Вториот земјотрес, што бил со јачина од 3,2 степени, е регистриран во 3:59 часот на 19 километри од Призрен и на 7 километри од Драгаш. Овој земјотрес, според Европскиот медитерански сеизмолошки центар, бил на длабочина од 11 километри.

Земјотресите, според пишувањата на граѓаните на социјалните мрежи, биле почувствувани и во северниот дел на Македонија, во околината на Тетово, Гостивар и во Скопје.

©2024 360 степени, Сите права се задржани