Со оглед дека на полноќ истекува рокот, од Министерството за правда соопштија дека составот на работната група ќе го соопштат утре
Демократската унија за интеграции (ДУИ) како свој претставник во работната група за уставните измени, со кои Бугарите треба да се вметнат како една од заедниците во Преамбулата, го номинира пратеникот и координатор на пратеничката група Арбер Адеми.
Предлози за членови на работната група минатата недела испрати Министерството за правда.
Досега своите номинации ги соопштија СДСМ, кој ја предложи генералната секретарка на Собранието Цветанка Иванова и Алијанса за Албанците, која го предложи пратеникот Ремзи Мехмеди.
ВМРО-ДПМНЕ, Алтернатива, Левица, СПМ и Демократскиот сојуз, пак, соопштија дека нема да номинираат свои претставници.
Покрај од партиите, Правда побара предлози и од кабинетот на претседателот Стево Пендаровски, Министерството за надворешни работи и Секретаријатот за европски прашања (СЕП).
Од нив досега е познато само дека од кабинетот на Пендаровски е номиниран професорот од Правниот факултет Александар Спасов, кој е правен советник на претседателот.
Со оглед дека на полноќ истекува рокот, од Министерството за правда соопштија дека составот на работната група ќе го соопштат утре.
ПОВРЗАНИ ВЕСТИ:
Министерството за правда утре ќе го соопшти составот на работната група за уставни измени