Татјана Димитровска, претседателката на ДКСК денеска рече дека предметот е оформен по сопствено наоѓање од написи во медиумите. Посочи дека веќе се обратиле до Генералниот секретеријат на Владата, од каде побарале информација кој се патувал со премиерот во Вашингтон, односно да потврдат дали синот на премиерот патувал со него на товар на буцетот и во која функција
Предмет по допрен глас оформила Државната комисија за спречување на корупцијата (ДКСК) за патувањето на Јован Мицкоски, постариот син на премиерот Христијан Мицкоски во Вашингтон, САД за време на одржувањето на НАТО-самитот.
Татјана Димитровска, претседателката на ДКСК денеска рече дека предметот е оформен по сопствено наоѓање од написи во медиумите. Посочи дека веќе се обратиле до Генералниот секретеријат на Владата, од каде побарале информација кој се патувал со премиерот во Вашингтон, односно да потврдат дали синот на премиерот патувал со него на товар на буџетот и во која функција.
„Рокот за одговор од институциите е 15 дена“,
рече таа.
Од Социјалдемократскиот сојуз (СДСМ) го повикаа премиерот Христијан Мицкоски да каже дали на државен трошок во САД го носел и синот, а од Владата побараа да го објави списокот на сите членови на делегацијата кои патувале на државен трошок за, како што велат, да се потврди или отфрли оваа информација.
На овој повик на СДСМ одговор не стигна од премиерот, туку од неговата партија ВМРО-ДПМНЕ, од каде што велат дека синот на Мицкоски не бил дел од официјалната делегација и дека сите трошоци се подмирени приватно од семејството на премиерот.
„Синот на Мицкоски не е дел од официјалната делегација во НАТО-самитот. Иако претседателот Мицкоски има право на придружен член на делегација, патувањето на неговиот син државата не ја чини ништо, односно сите трошоци се подмирени приватно од семејството на Мицкоски. За разлика од времето кога премиерот на СДС, Ковачевски, ги донесе децата како членови на официјална делегација. Ако делегацијата сакала да сокрие нешто, сигурно немаше да има фотографии. Напротив, сè е транспарентно“,
веелат од ВМРО-ДПМНЕ.
Ahead of the @NATO Summit, SAIS hosted Macedonian Prime Minister Hristijan Mickoski for a conversation with SAIS’ @EdwardPJoseph in what was his first public appearance in the U.S. as prime minister. “This is truly a special event for us here at Johns Hopkins SAIS,” said Joseph. pic.twitter.com/x0puj3zYkE
— Johns Hopkins SAIS (@SAISHopkins) July 10, 2024
Фотографијата на која се гледа дека со премиерот Христијан Мицкоски е и неговиот постар син ја објавија од Универзитетот „Џонс Хопкинс“ на социјалната мрежа Икс каде се вели оти македонскиот премиер Мицкоски, пред Самитот на НАТО, ја посетил Школата за напредни меѓународни студии на Универзитетот.
Министерството за надворешни работи и надворешна трговија излезе со појаснување во врска со составот на делегацијата што ја претставуваше земјата на Самитот на НАТО во Вашингтон и рече дека Јован Мицкоски, синот на премиерот Христијан Мицкоски не бил дел од неа.
„Делегацијата на Самитот на НАТО беше точно определена од страна на Алијансата и таа броеше вкупно 21 член, согласно протоколите на НАТО. Притоа, потенцираме дека Јован Мицкоски, синот на претседателот на Владата, Христијан Мицкоски не беше еден од членовите на делегацијата, иако претседателот Мицкоски имаше покана за придружба од член на семејството“,
велат од МНР.
Оттаму информираат дека за патувањето на Јован Мицкоски не се потрешени средства од буџетот на Северна Македонија и додаваат дека за дополнителни информации остануваат отворени за јавноста.