Вицепремиерот за европски прашања Никола Димитров вечерва на социјалните мрежи повтори дека за јазикот и самоопределувањето не може да се преговара кога станува збор за членство во ЕУ.
Our Macedonian language, our self-determination, cannot be an obstacle to starting accession talks with a Union that “respects its rich cultural and linguistic diversity” (Lisbon Treaty) or to good-neighbourly relations based on mutual respect and frankly, decency.
— Nikola Dimitrov (@Dimitrov_Nikola) November 17, 2020
„Нашиот македонски јазик, нашето самоопределување, не можат да бидат пречка за започнување на пристапните преговори со Унијата која „ја почитува нејзината богата културна и јазична разновидност“ (Лисабонскиот договор) или за добрососедските односи засновани на меѓусебно почитување и искрено, пристојност“,
напиша Димитров на Твитер.
Во последователен твит тој ги критикуваше земјите – членки на ЕУ кои денеска не реагирале на она што се случувало на состанокот на Советот на министри.
Every time one remains silent when European principles are at stake, the EU becomes weaker and less attractive. Our gratitude to all those who spoke up today!
— Nikola Dimitrov (@Dimitrov_Nikola) November 17, 2020
„Секојпат кога некој молчи кога се во прашање европските принципи, ЕУ станува послаба и помалку привлечна. Наша благодарност до сите оние кои денеска говореа!“,
порача Димитров.
Ова е негова прва реакција на исходот од состанокот , на кој Бугарија не даде согласност за преговарачката рамка која го отвора патот за одржување на првата меѓувладина конференција и почеток на преговори на С Македонија со ЕУ.