Седењето дома на 15 јули е бело знаме и предавање во однос на правдата. Без разлика каква позициjа ќе имам и во каква улога ќе бидам, јас лично ќе бидам вашиот глас за правда и ќе има правда во татковината, вели носителот на листата на коалицијата „Можеме“ во Изборната едници 1 во својата порака, како што вели, пред се упатена до разочараните
Во видео-порака до, како што вели, разочараните, носителот на листата на коалицијата „Можеме“ во Изборната единица 1, Никола Димитров, ги повикува на 15 јули да излезат и да гласаат на изборите. Според Димитров, седењето дома е „бело знаме и предавање во однос на правдата“.
„Нема доволно правда. И ако ме прашате дали сум и jас разочаран, апсолутно сум. Но, да кренам раце, на краj памет не ми доаѓа. Во моjот ресор, душата jа оставив. Таа огромна планина се искачи, постигнавме децениски цели, влеговме во НАТО и на чекор сме од почеток на пристапни преговори со ЕУ, во фаза сме кога се разговара за таа динамика и се усвоjува Преговарачката рамка. Денес сакам да ви ветам лично jас, истата жар и енергиjа што ги вложив за првата голема планина, ќе ги вложам за оваа држава да има правда. Сега кога безбедноста, предвидливоста, иднината и границите веќе не се прашања, на сите ни е jасно коjа е следната голема битка – тоа е битката против корупциjата, криминалот и подземjето“,
вели Димитров во пораката.
Сите тие што се мислат дали да останат дома или да гласаат на 15 jули, Димитров ги повикува да излезат на изборите.
„Имаме огромна шанса како нациjа, имаме закон за jавно обвинителство што овозможи истрагите и случаите да не застарат, да не се пикнат под килим и го имаме огромниот рефлектор што ни го носи пристапниот процес со Европската Униjа. Мораме да ја искористиме оваа шанса, бидеjќи следна нема да имаме. Од другата страна, имаме политичка партиjа ВМРО-ДПМНЕ чијашто основна цел е да се скршне од патот. Да нема ниту одговорност, ниту да има правда. Гласот за ВМРО-ДПМНЕ и за нивните сателити е бело знаме, предавање во однос на правдата, меѓутоа и седењето дома е бело знаме и предавање во однос на правдата“,
порачува носителот на „Можеме“ во ИЕ 1.
Без вашата поддршка оваа шанса ќе ја испуштиме од раце, додава Димитров, според кого, „едвај jа вративме земjата, да не дозволиме да отиде во неповрат“.
„Од оваа страна ѕирка надеж, другата страна е назад кон бездната. Ве повикувам сите, да излеземе, да ја зграпчиме шансата и да одиме напред. Ќе го повторам моето лично ветување, без разлика каква позициjа ќе имам и во каква улога ќе бидам, јас лично ќе бидам вашиот глас за правда и ќе има правда во татковината“,
ја завршува Димитров својата порака до разочараните.