Обединета македонска дијаспора (ОМД), една од најголемите организации на Македонците во САД, организира настан во Вашингтон по повод доделување на филмската награда Оскар за која е номинаран и нашиот документарен филм „Медена земја“.
Во соопштение за јавоста испратено денеска, ОМД ги поканува Македонците во Вашинтон да дојдат на настанот на кој оскаровската вечер ќе се прикажува во живо и заедно да дадат поддршка и охрабрување за „Медена земја“. Церемонијата за доделување на наградите Оскар се одржува в недела во Лос Анџелес.
„Настанот ќе биде одбележан со изложба на фотографии од фестивалот Галичка свадба од фотографот Дејан Станковски и ќе се служи македонска храна и вино“,
пишува во соопштението.
За првпат во историјата на македонската кинематографија, наш филм е номиниран во две категории – за најдобар документарец и за најдобар странски филм.
РЕПОРТАЖА: Од Бекирлија до Холивуд – како се снимаше „Медена земја“