Претходниот ден, пак, 16 лица беа убиени во полициска операција во крајбрежниот град Гуаруа во соседната бразилска држава Сао Паоло, што е најголем број жртви убиени во рации од 2006 година во таа држава
Девет лица загинаа, а двајца полицајци се ранети во престрелка за време на полициска рација во фавела во Рио де Жанеиро, Бразил.
Во полициското соопштение се наведува дека прво пукале осомничените криминалци во населбата Вила Крузеиро, при што биле повредени полицајците, кои возвратиле.
Претходниот ден, пак, 16 лица беа убиени во полициска операција во крајбрежниот град Гуаруа во соседната бразилска држава Сао Паоло, што е најголем број жртви убиени во рации од 2006 година во таа држава.
Жителите на Гуаруа протестираа против полицијата, држејќи транспаренти, и фрлаа големи кадифени кукли што ги претставуваат мртвите на земја.
Биланс со загинати имаше и во текот на викендот кога три полициски операции насочени кон шверцери на дрога во североисточната држава Баија резултираа со смрт на 19 лица.
Фото: EPA-EFE/ANDRE COELHO