Високиот претставник на ЕУ за надворешна политика истакнува дека со санкциите се опфатени и одговорните за присилната депортација и посвојувањето на најмалку 6 000 украински деца
Европската Унија и формално го усвои десеттиот пакет санкции кон Русија поради војната што оваа земја ја започна во Украина.
Се смета дека е најдалекосежниот пакет досега и со него се опфатени 121 лице и фирми.
Синоќа шведското претседателство со ЕУ соопшти дека е санкциите се одобрени, а денеска за нив се огласија и високиот претставник за надворешни работи и безбедносна политика на Унијата, Жозеп Борел, и претседателката на Европската Комисија (ЕК), Урсула фон дер Лајен.
Борел посочи дека санкциите значат нови ограничувања за извоз и увоз од Русија, забрана за руската пропаганда, уништување на руската воена машинерија, а истакнува дека со санкциите се опфатени и одговорните за присилната депортација и посвојувањето на најмалку 6 000 украински деца.
„Остануваме обединети во нашата решеност да ја уништиме руската воена машинерија. Како дел од нашите списоци, ги таргетираме и оние што се одговорни за депортацијата и принудното посвојување на најмалку 6 000 украински деца. Ова е јасно кршење на меѓународното право, вклучително и Женевската конвенција“,
вели Борел.
As part of our listings, we are targeting those responsible for the deportation and forced adoption of at least 6.000 Ukrainian children.
— Josep Borrell Fontelles (@JosepBorrellF) February 25, 2023
This is a clear violation of international law, including the Geneva convention, as I raised at UN Security Council yesterday.
2/2 pic.twitter.com/MfeqxkZ3Hk
Претседателката на ЕК, пак, очекува овој пакет санкции да ги притисне оние што ги заобиколуваа досегашните санкции.
„Го поздравувам официјалното усвојување на нашиот 10. пакет санкции против Русија. Ги имаме најдалекосежните санкции досега – исцрпување на воениот арсенал на Русија и загризување длабоко во нејзината економија. Исто така, го зголемуваме притисокот врз оние што се обидуваат да ги заобиколат нашите санкции“,
вели Фон дер Лајен.
I welcome the formal adoption of our 10th sanctions package against Russia.
— Ursula von der Leyen (@vonderleyen) February 25, 2023
We now have the most far-reaching sanctions ever – depleting Russia’s war arsenal and biting deep into its economy.
We are also turning up the pressure on those trying to circumvent our sanctions. https://t.co/hh74CxvbCx
Дека ова се најдалекосежните последици, синоќа процени и шведското претседателство.
„Заедно, земјите членки на ЕУ ги воведоа најсилните и најдалекосежни санкции досега за да ѝ помогнат на Украина да победи во војната. ЕУ е обединета со Украина и со украинскиот народ. Ќе продолжиме да ја поддржуваме Украина се додека е потребно“,
објави шведското претседателство со ЕУ на Твитер.