Локалните власти за регионот Лион/Рона соопштија дека пожарот бил пријавен кај службите за итни случаи во 3.12 часот, а десетина минути подоцна околу 170 пожарникари и 65 противпожарни возила биле на местото. Службите за итни случаи известија дека пожарот избувнал во станбен блок од седум ката во населбата Мас ду Торо
Маж кој живее на 100 метри од заградата каде се случил пожарот за локалните медиумите изјавил дека соседите дошле со скали и помогнале да се евакуираат луѓето кои живееле на првиот кат
Десет лица, меѓу кои пет деца, загинаa во пожар кој рано утрово избувнал во станбена зграда во предградие на францускиот град Лион, јавуваат агенциите.
Локалните власти за регионот Лион/Рона соопштија дека пожарот бил пријавен кај службите за итни случаи во 3.12 часот, а десетина минути подоцна околу 170 пожарникари и 65 противпожарни возила биле на местото.
Службите за итни случаи известија дека пожарот избувнал во станбен блок од седум ката во населбата Мас ду Торо, во предградие на Лион.
Според инфромациите уште четири лица се во критична состојба, а десет други, меѓу кои и двајца пожарникари се исто така повредени.
Причината за пожарот, како што соопштија локалните власти, во оваа фаза сè уште е непозната.
Францускиот министер за домување, Оливие Клајн, рече дека разговарал со градоначалничката на Волкс-ан-Велин, Хелен Жофрој и дека ќе го посети градот.
„Одам таму утрово за да бидам покрај жителите, локалните власти и службите за итни случаи“,
напиша тој на Твитер.
Un violent incendie s’est déclaré cette nuit à Vaulx-en-Velin. Le bilan provisoire fait froid dans le dos.
— Olivier Klein (@OlivierKlein93) December 16, 2022
Je me suis entretenu avec @HeleneGeoffroy pour l’assurer du soutien de l’Etat.
Je me rends sur place dès ce matin pour être aux côtés des habitants, des élus et des secours. pic.twitter.com/7tVPF8t5tZ
„Плачам кога мислам на овие жртви,
изјавил жител на предградието за француската телевизија БМФ ТВ, пренесува Гардијан.
Друг сосед, кој рекол дека живее на само 100 метри од зградата каде што избувнал пожарот, вели дека бил разбуден од пожарот.
„Слушнавме врисоци, детски врескања. Кога ги отворивме прозорците, видовме како излегува чад и веднаш се слеговме“,
рекол тој.
Мажот, идентификуван само како Сарем, рекол дека соседите пристигнале на местото на настанот со скали и помогнале да се евакуираат луѓето кои живееле на првиот кат.