Берлинскиот процес е политичко-дипломатска иницијатива, која почна во август 2014 година од страна на германската канцеларка Ангела Меркел
Најважната компонента на Берлинскиот процес е таканаречената „Агенда за поврзување“, која првично има за цел да ги поврзе шесте земји од Западен Балкан во областа на транспортот и енергетиката
Германската канцеларка Ангела Меркел денеска попладне ќе допатува во Белград, каде што ќе има средба со српскиот претседател Александар Вучиќ.
По посетата на Србија, Меркел ќе отпатува во Тирана, каде што утре, освен со албанскиот премиер, ќе се сретне и со премиерите на Северна Македонија, Босна и Херцеговина и Косово.
Во Белград, Меркел ќе има повеќе средби на кои се очекува да стане збор за билатералните односи и Берлинскиот процес, посебно за иницијативата „Отворен Балкан“. Исто така, се очекува да стане збор и за дијалогот Белград-Приштина и ситуацијата во БиХ, посебно по именувањето на Кристијан Шмит за нов висок претставник на меѓународната заедница.
Средбата со премиерите од регионот во Тирана ќе биде посветена на Берлинскиот процес, политичко-дипломатска иницијатива, која почна во август 2014 година од страна на Меркел.
Учесниците во процесот се земјите од Западен Балкан – Северна Македонија, Албанија, Босна и Херцеговина, Косово, Србија и Црна Гора, а нејзини поддржувачи се неколку земји членки на ЕУ, како Германија, Франција, Австрија, Италија, Велика Британија, Полска, Грција, Хрватска, Словенија и Бугарија.
Најважната компонента на Берлинскиот процес е таканаречената „Агенда за поврзување“, која првично има за цел да ги поврзе шесте земји од Западен Балкан во областа на транспортот и енергетиката.
„Самитите одржани во Германија, Австрија, Франција и Италија помогнаа да се воспостави комуникација меѓу балканските лидери, како и да се дизајнираат неколку инфраструктурни проекти. Одобрените проекти за секоја од шесте земји од Западен Балкан се финансирани делумно од механизмите на ЕУ, а делумно од самите нив“,
наведува албанската телевизија Топ чанел најавувајќи го состанокот.