Во текот на викендот, пак, се најавува пороен дожд, а од понеделник ќе има позначително опаѓање и на утринските и на дневните температури
Времето денеска ќе биде сончево и натпросечно топло со мала до умерена локална облачност. Ќе дува слаб до умерен, а во западните делови повремено засилен ветер од западен правец.
Минималната температура ќе биде во интервал од 9 до 17, а максималната ќе достигне од 30 до 35 степени. УВ индексот ќе биде 7.
Под влијание на јужно струење и топла воздушна маса дневните температури ќе бидат над просекот за овој период од годината и на целата територија ќе биде активно жолто ниво на опасност од високи температури.
Во Скопје до 32 степени
Во Скопје сончево и натпросечно топло со мала до умерена облачност. Ќе дува слаб до умерен ветер од југозападен правец.
Минималната температура ќе се спушти до 14, а максималната ќе достигне до 32 степени.
Кон крајот на денот, во текот на ноќта и во сабота ќе има промена на времето кога ќе преовладува променливо облачно и нестабилно време со локален пороен дожд, грмежи и засилен ветер. Во недела во претпладневните часови ќе има повремен локален дожд и ќе дува силен северен ветер кој ќе услови пад на дневните температури. Од понеделник ќе има позначително опаѓање и на утринските и на дневните температури.