На денешната конференција во Белград, онлајн ќе учествуваат и вицепремиерот за европски прашања Никола Димитров, албанскиот премиер Еди Рама и специјалниот американски пратеник за Балканот, Габриел Ескобар
Во Белград денеска во српскиот парламент ќе се одржи конференција насловена како „Отворен Балкан – патот кон стабилизација, соработка и просперитет на регионот“, на која на политичкиот панел, покрај српската премиерка Ана Брнабиќ, онлајн ќе учествуваат и вицепремиерот за европски прашања Никола Димитров, албанскиот премиер Еди Рама и специјалниот американски пратеник за Балканот, Габриел Ескобар, јавува МИА од Белград.
На конференцијата во поздравен говор на присутните ќе им се обратат претседателот на Народното собрание на Република Србија, Ивица Дачиќ, и амбасадорот на САД во Србија, Ентони Годфри, соопштија од Собранието.
На Конференцијата ќе бидат презентирани резултатите од регионалното истражување на јавното мислење и резултати од економската анализа на иницијативата „Отворен Балкан“, а ќе се одржи и панел на бизнисмени за економските ефекти од Отворени Балкан.
Организатори на Конференцијата се Народното Собрание на Србија, Конгресот на српско-американското пријателство, независната меѓународна истражувачка мрежа „Ист вест бриџ (East West Bridge).