Главна цел на посетата на претседавачот на Постојаниот комитет, Хајке Велдман, и на Ане Мулдер беше да добијат појасна слика за текот на реформи што државата ги спроведува во рамки на процесот на евроатлантските интеграции.
Холандија обезбедува постојана поддршка за зајакнување на капацитетите на институциите на Северна Македонија, со посебен акцент на демократизацијата, доброто владеење и владеењето на правото, соопштија од холандската амбасада.
Делегација на Постојаниот комитет за европски прашања на Претставничкиот дом на Кралството Холандија, вчера и завчера, беше во работна посета на Скопје. Главна цел на посетата на претседавачот на Постојаниот комитет, Хајке Велдман и на Ане Мулдер беше да добијат појасна слика за текот на реформи што државата ги спроведува во рамки на процесот на евроатлантските интеграции.
За време на посетата, делегацијата оствари средби со пратениците од Комисијата за европски прашања, со претседателот на Собранието Талат Џафери, вицепремиерот за европски прашања Бујар Османи, министерката за правда Рената Дескоска и министерот за надворешни работи Никола Димитров. Делегацијата имаше средби и со претставници од граѓанските организации, како и со членови на Националниот совет за европски интеграции.
Поддршка
Холандија обезбедува континуирана поддршка за зајакнување на капацитетите на институциите на Северна Македонија, со посебен акцент на демократизацијата, доброто владеење и владеењето на правото. Ова е четврта посета на делегација на Постојаниот комитет за европски прашања, по претходните посети во 2013 и во 2016 година и посетата минатата година, соопшти холандската амбасада.
На вчерашната средба со шефот на дипломатијата, министерот Димитров ги брифирал соговорниците од Претставничкиот дом на Холандија за последните внатрешно -политички случувања, за предвремените парламентарни избори во април, за функционирањето на техничката Влада, како и за напредокот во домашните реформи, вклучително со добрососедските односи и регионалните прашања.
Се дискутирало и за следните чекори во политиката на проширување, со оглед на објавената нова методологија на ЕК и објавувањето на вонредните извештаи за напредокот на Северна Македонија и Албанија.
Како што соопштија од МНР, претставниците на делегацијата го поздравиле напредокот остварен од Северна Македонија, постигнатите договори за добрососедски односи со Грција и Бугарија и изразија разбирање за разочарувањето поради неотпочнувањето на преговори со ЕУ.
Се разговарало и за Законот за ЈО
Комисијата за европски прашања одблиску и детално го следи напредокот на Северна Македонија и мнозинството на членови го поддржуваат почетокот на преговорите со земјата. Во овој период за земјата е најважно да покаже напредок во реформите, фокусот е владеењето на правото, домашните задачи за кои се очекуваат резултати, со акцент на Законот за јавно обвинителство.
Делегацијата на Комисијата за европски прашања во Долниот Дом на холандскиот Парламент ќе има средби и во Собранието на Република Северна Македонија, во Секретаријатот за европски прашања и во Министерството за правда.
На средбата со спикерот Џафери, пак, холандските пратеници ја оцениле како многу корисна оваа посета, по претходната посета лани во мај, бидејќи им овозможува
бидејќи им овозможува директно да се запознаат со напредокот на земјата во реформскиот процес. Потенцирајќи ја
важноста на доследната имплементација на законите по нивното донесување, холандските пратеници, како што соопштија од кабинетот на Џафери, изразиле интерес за доставувањето на законот за јавно обвинителство и за негово донесување пред донесувањето на одлука за распуштање на Собранието.