Бугарија очекува властите на РСМ трајно да ги гарантираат правата на граѓаните кои се самоидентификуваат како Бугари. Во однос на работата на заедничките комисии предвидени со Договорот за пријателство, добрососедство и соработка меѓу Бугарија и РСМ, учесниците во коалицискиот формат се договорија да се среќаваат секој месец. Сакаме да направиме вистински календар на овие средби – барем еднаш месечно и навистина да постигнеме резултати, изјавил Кирил Петков, кој е најсериозен кандидат за премиер
Од партијата Демократска Бугарија соопштија дека продолжувањето на блокадата на преговорите за членство на Северна Македонија во ЕУ не е во интерес на Бугарија
Четирите политички партии во Бугарија кои преговараат за нова владејачка коалиција, Продолжуваме со промените, БСП, Има таков народ и Демократска Бугарија ги започнаа дискусиите за надворешната политика на Бугарија, при што се договорија за конструктивен дијалог со Република Северна Македонија, јави вечерва Бугарското национално радио (БНР).
Од партијата Демократска Бугарија соопштија дека продолжувањето на блокадата на преговорите за членство на Северна Македонија во ЕУ не е во интерес на Бугарија.
Стефан Тафров предложи да се изготви патоказ за ова прашање, што ќе стане дел од преговарачкиот процес.
„Мапата треба да опише многу конкретни барања до Скопје. Мапата треба да содржи конкретни работи како што се – конкретен распоред за изградба на заедничка комуникациска инфраструктура, редовни генерални состаноци на кабинетите и парламентите на кои ќе се разговара за спроведувањето на Договорот за пријателство и други мерки, ревизија на учебниците по историја“,
рече тој, пренесе Бугарското национално радио.
Нов обврзувачки документ меѓу Софија и Скопје најави и претставникот на партијата „Има таков народ“ Димитар Гардев.
„Она што сакаме е да се случат неколку работи. Прво, документ-гаранција дека тие немаат малцински претензии – и територијални – исто така. Другата работа што е исклучително важна е да се стави крај на говорот на омраза. Само сакам да истакнам дека ние остануваме на ставот дека овие услови се однапред јасно наведени од преговарачките групи и дека се преземени одредени обврски“,
изјавил Гардев, кој инсистирал Бугарија да води поактивна политика во Европската унија.
Известувајќи за денешните преговори, dir.bg објави дека учесниците во идната коалиција се согласиле за зачувување на позицијата на Бугарија во однос на Република Северна Македонија и нејзино надградување во конструктивен дух.
„Бугарија очекува властите на РСМ трајно да ги гарантираат правата на граѓаните на РСМ кои се самоидентификуваат како Бугари. Во однос на работата на заедничките комисии предвидени со Договорот за пријателство, добрососедство и соработка меѓу Бугарија и РСМ, учесниците во коалицискиот формат се договорија да се среќаваат секој месец. Сакаме да направиме вистински календар на овие средби – барем еднаш месечно и навистина да постигнеме резултати“,
изјавил Кирил Петков, кој е најсериозен кандидат за премиер на новата бугарска влада, пренесе dir.bg.
Уште во својата прва изјава откако беше обелоденето дека ќе ја преземе одговорноста да ги утврди заедничките програмски цели и кадровска структура на идната бугарска влада, Кирил Петков зборуваше и за односите со Северна Македонија, најавувајќи сосема нов пристап во кој доминантна ќе биде економијата, а не политиката.
„Имаме категоричен став што треба да се направи. Треба веднаш да направиме заеднички работни групи, но тие нема да бидат составени само од историчари, туку и со луѓе од бизнисот, од културата, од образованието, за да не зборуваме само за историја туку за се што може да придонесе за добробитта и за зајакнување на добрососедските односи. Крајно време е да сфатиме дека не е нормално да летам преку Виена за да стасам во Скопје, дека не е нормално да немаме железничка линија која ќе не поврзува, дека не е нормално бугарските бизнисмени да продаваат во Австралија, а не во Македонија. Истото се однесува и за нашите македонски колеги. Треба да почнеме да зборуваме за сите работи од кои може да имаме полза како добри соседи. Треба да ги направиме тие работни групи, тие да имаат јасни цели и да се среќаваат најмалку еднаш месечно. Ние треба да си ги заштитиме нашите национални интереси, тие треба да си ги заштитат нивните, но со заеднички услов, и двете страни да имаме полза од тоа“,
рече Петков.