Претседателот на Демократската унија за интеграција (ДУИ) Али Ахмети го честиташе Денот на Републиката.
„Востанието од 2 август и Крушевската Република, кое денес го одбележуваме, треба да се изучува многу повеќе од историчарите и да се разјасни неговиот целосен карактер, во неговото писмо и дух. Рамномерното споделување на востаничките и управувачки одговорности пред 117 години треба да послужи како модел за отстранување на хегемонистичките обременувања и примеси, кои што се повеќе заоѓаат, во врска со заедничките напори за слобода и подобар живот во заедничката земја,
пишува Ахмети на својот Фејсбук профил.
Крушевскиот манифест од 1903 година според Ахмети, е обединувачка дефиниција за заедничка држава исто колку и Охридскиот договор во 2001 година.
„Наметнатите предрасуди сè уште постојат и денес, и претставува обврска за сите нас да работиме кон нивно отстранување со презентирање и прифаќање на неискривената вистина за сите тековни и историски процеси на нашата заедничка мултиетничка и мултикултурна земја“,
потенцира Ахмети во честитката.