Како што јави вечерва БГНЕС таа е усвоена со гласовите на ГЕРБ и ДПС, а документот што е изгласан се базира на францускиот предлог
Комисијата за надворешна политика на бугарското собрание денеска го усвои предлогот од лидерот на „Демократска Бугарија“ Христо Иванов за решение на односите меѓу Софија и Скопје,
Како што јави вечерва БГНЕС таа е усвоена со гласовите на ГЕРБ и ДПС, а документот што е изгласан се базира на францускиот предлог.
Утре предлог-одлуката мора ќе биде ставена на дневен ред на Народното собрание.
„Нашиот текст се совпаѓа со предлогот на француското претседателство. Гарантираме дека сите преземени обврски во билатералните протоколи ќе бидат следени на ниво на Европската комисија во преговарачката рамка, а потоа и на Европскиот совет. Накратко, Бугарија ќе може да ја контролира оваа работа. Има текст кој целосно ја гарантира еднаквоста на Бугарите во Уставот на РСМ. Во никој случај нема да добијат друг статус. Има многу јасна гаранција дека доколку властите во Скопје не го сменат Уставот, нема да има преговори за членство во ЕУ. Ова го пишува во францускиот предлог, кој го прифаќаме и така станува валиден“,
изјави Иванов.
Тој рече дека Министерството за надворешни работи може да го финализира билатералниот протокол и да направи се што е потребно за да се постигне максимумот од Рамковната позиција на Бугарија.
„Имаат пет дена да ја завршат оваа задача. И Министерството за надворешни работи и Советот на министри може да го финализираат овој документ во наредните денови. Француската понуда и гаранциите што ги добиваме се добри за Бугарија“,
додаде тој.
Што содржи предлогот
Со него се предвидува Националното собрание да и даде мандат на Владата да го одобри предлогот на француското претседателство за измени на нацрт-преговарачката рамка и да го укине ветото против РСМ.
Предлогот на „Демократска Бугарија“ предвидува тоа да се направи под 4 услови:
-пречистување на текстот за да се обезбеди влез на Бугарите во Уставот на Северна Македонија;
-ништо во процесот на пристапување на Скопје во Европската унија не може да се толкува како бугарско признавање на постоењето на „македонски јазик“;
-да се осигура дека добрососедството останува хоризонтален критериум до крајот на преговорите на Скопје со ЕУ;
-периодичното разгледување на имплементацијата на договорот за соседство да биде јавно објавено во преговарачкиот процес.
На следниот линк може да го видите усвоениот предлог во целост и во оригинал.
Генчовска: Ова е најдобриот предлог досега
Претходно денеска пред Комисијата говореше министерката за надворешни работи во оставка Теодора Генчовска.
„Францускиот предлог е најдобриот што сме го добивме досега. Најдобар е во споредба со португалскиот и германскиот“,
рече Генчовска, додавајќи дека францускиот предлог за решавање на спорните прашања со РСМ може да важи до крајот на француското претседателство.
„Не можам да кажам на тоа што ќе понуди чешкото претседателство“,
додаде Генчовска.
Поранешната министерка за надворешни работи и пратеничка на ГЕРБ, Екатерина Захариева, исто така ја истакна важноста од потпишувањето на протоколот пред преговарачката рамка.
„Овој протокол може да се потпише без одлука на Советот на министри“,
додаде таа.
„Преродба“ и „Има таков народ“ се спротивставија на усвојувањето на предлозите бидејќи, според нив, не ги задоволуваат националните интереси на Бугарија. Од ИТН претходно посочија дека дебатат во комисијата е беспредметна, бидејќи премиерот на РСМ веќе го одбил предлогот.