Во кинеската провинција Хубеј, која се смета за жариште на коронавирусот, вчера биле регистрирани 2 097 новозаболени и 103 нови смртни случаи, што е најголем број жртви во еден ден од почетокот на епидемијата, објавија британските медиуми повикувајќи се на кинеската национална комисија за здравство.
Бројот на жртвите во цела Кина како последица на оваа заразна болест достигна повеќе од 1 000 лица, од кои 947 се во Хубеј, каде што бројот на потврдени случаи е над 32 000.
Во Кина досега се потврдени над 42.000 заболени од коронавирусот, а 319 случаи се регистрирани во 24 други земји, се наведува во податоците на Светската здравствена организација.
Светската здравствена организација истакнува дека 168 лаборатории ширум светот во моментов прават тестирање со цел да пронајдат лек за оваа смртоносна болест.