Спасувачките екипи постојано работат со кранови и багери, а формираат и човечки синџири и подаваат кофи со урнатини додека бараа преживеани. На социјалните мрежи се споделува видео како спасувачите извлекуваат бебе од урнатините на станбена зграда
Бројот на жртви од катастрофалниот земјотрес што во понеделникот ја погоди Западна Колумбија надмина 250, додека спасувачките екипи продолжуваат да бараат преживеани под урнатините, пишува Ројтерс.
Земјотресот со јачина од 7,4 степени, најсилниот што ја погодил Колумбија овој век, сериозно оштетил болници, училишта и станбени згради, особено во градовите Переира и Кали. Спасувачите се тркаат со времето за да стигнат до луѓето што се уште се заробени, пишува Ројтерс.
Извештаи од погодените градови покажуваат дека вкупниот број на жртви изнесува 254 од кои 101 лице се загинати во Переира, а 95 во Кали, третиот по големина град во земјата.
Спасувачките екипи постојано работат со кранови и багери, а формираат и човечки синџири и подаваат кофи со урнатини додека бараа преживеани.
На социјалните мрежи се споделува видео како спасувачите извлекуваат бебе од урнатините на станбена зграда. Еден од спасувачите бил во близина на зградата кога го слушнал ударот. Истрчал кон местото и почнал да ги вика луѓето под урнатините. Потоа еден човек извикал од купот бетон, велејќи дека е заробен со бебето. Неколку луѓе почнале да отстрануваат делови од урнатините со раце за да го дофатат детето. Откако го лоцирале бебето, го извлекле од урнатините и го предале на службите за итни случаи.
🚨Colombia rescuers DIG OUT MONTHS-OLD BABY from BUILDING RUBBLE after 7.4 earthquake
— ⚡️🌎 World News 🌐⚡️ (@ferozwala) August 10, 2026
📍An 18-day-old baby was rescued from the rubble of a building. #Colombia #Earthquake https://t.co/Xt5WDuaM5Epic.twitter.com/koQnJVsBRv
▪️More than 100 people are dead & there is widespread…
Новиот претседател Абелардо де ла Есприела, кој ја презеде функцијата само неколку дена пред земјотресот, исто така ги посети погодените области и вети економска помош за оние што останаа без покрив над главата. Неговата влада сега подготвува преглед на буџетот.
Во меѓувреме, Националната федерација на производители на кафе е на терен и ги проценува штетите на фармите, а спасувачките напори се дополнително отежнати од ситуацијата во пошумениот регион Чоко, каде што многу домородни заедници останаа без електрична енергија и основни услуги.
Илјадници луѓе останаа без покрив над главата. Земјотресот урна станбени комплекси и остави длабоки пукнатини во нивните домови, оставајќи ги семејствата да чекаат на отворено за да ја проценат безбедноста на своите згради.
Три аеродроми сè уште се затворени, а многу области сè уште немаат гас, вода и електрична енергија, а некои главни автопати се блокирани.
Официјалните лица проценуваат дека ќе поминат неколку дена пред да се знае целосниот обем на штетата и конечниот број на жртви.