Со денешните 136 нови случаи на ковид-19 во земјава, бројката се искачи на 8 111 дијагностицирани лица од почетокот на епидемијата. Бројката на оздравени пациенти е 4 203, а на починати е 382. Во моментов бројот на активни случаи во земјата изнесува 3 526 лица.
Како што информираше Министерството за здравство, во последните 24 часа регистрирани се 136 нови случаи и 123 оздравени, а шест лица починаа.
Починатите лица по градови се: двајца пациенти од Скопје, еден од Куманово, двајца пациенти од Струга и еден од Гостивар. Од нив четворица починаа на Клиниката за инфективни болести и фебрилни состојби во Скопје и се на возраст од 46, 53, 63 и 69 години. Во ГОБ „8 септември“ почина пациент на возраст од 42 години, а во општата болница во Куманово починат е пациент на возраст од 80 години.
Најмногу од случаите на ковид-19 регистрирани во изминатото деноноќие се од Скопје или вкупно 46 лица. Останите по градови се од: Куманово-6, Дебар-7, Штип-14, Прилеп-1, Тетово-12, Струга-9, Велес-1, Охрид-2, Гостивар-13, Струмица-2, Радовиш-3, Крушево-2, Кочани-1, Пробиштип-1, Демир Хисар-2, Кратово-1, Свети Николе-5, Кичево-4, Ресен-4.
Во Скопје најмногу има и оздравени или 77 лица во последните 24 часа, останатите се од: Штип-7, Тетово-15, Струга-1, Велес-4, Битола-2, Гевгелија-1, Кочани-2, Пехчево-1, Кичево-2, Ресен-11.