Во претходното деноноќие се регистрирани 1 348 нови случаи на ковид-19 од направени 6 141 тестови или 21,9 проценти. Од вкупниот број на позитивните 145 се реинфекции
Од почетокот на јануари оваа година до вчера, за 16 дена, бројот на активни случаи се зголемил за над 11 000 – ако на 31 декември 2021 година, бројот на активни случаи беше 5 006, вчера тој изнесуваше 16 132. Процентот на позитивност за време на викендот е околу 22 проценти.
Во претходното деноноќие се регистрирани 1 348 нови случаи на ковид-19 од направени 6 141 тестови или 21,9 проценти. Од вкупниот број на позитивните 145 се реинфекции.
За претходните 24 часа беа пријавени осум починати лица и 784 оздравени пациенти, информираше вчера Министерството за здравство повикувајќи се на податоците од Институтот за јавно здравје.
Според епидемиолошки анализи во моментов, во Скопје има 8609, следи Битола со 1456, Прилеп – 890, Куманово – 580, Охрид – 565, Кавадарци – 413, Струмица – 321, Велес – 317. Во другите градови има под 300 заразени, а во Дојран има само седум активни случаи.
Поради нагорната линија на позитивни лица со ковид-19 со брзото ширење на омикронот, се очекува надлежните да соопштат неделава дали на време ќе почне второто полугодие од учебната 2021/2022 година, на кој начин ќе се одвива наставата или ќе има продолжување на распустот.
Изминативе неколку недели, здравствените власти истакнуваат дека притисокот врз болниците е намален што се однесува до хоспитализациите, но зголемени се амбулантските прегледи, кои се движат и до стотина пациенти на ден во една установа.
Во период од 06.08.2021 до 13.01.2022 година на територија на државата како позитивни на ковд-19 се тестирани 85 593 граѓанин, од кои 37 отсто биле целосно вакцинирани, односно 32 079 лица. Според статистиката за изминативе месеци, 53 514 граѓани, односно 63 отсто од позитивните на ковид-19 не биле вакцинирани.
Во истиот период, 78 отсто од починатите лица со ковид-19, биле невакцинирани, а 22 отсто примиле вакцина и според анализите, тие имале повеќе комбинирани хронични заболувања. Пациентите биле вакцинирани со сите типови вакцини кои ги има на располагање кај нас.
Во светот досега од коронавирусот се заразиле над 327 милиони жители, починале повеќе од 5,5 милиони, а оздравеле околу 267 милиони луѓе.
Светската здравствена организација (СЗО) вчера соопшти дека досега има испорачани една милијарда дози во рамките на програмата Ковакс.
Во соопштението на СЗО се наведува дека во рамките на програмата Ковакс, досега вакцини се испорачани во 144 земји.
СЗО долго време ја критикуваше нееднаквата дистрибуција на вакцините и ги повика и производителите и земјите да и дадат приоритет на програмата Ковакс.