Во Русија постои долга традиција на затворска работа, но од 2017 година принудната работа повторно е воведена како посебен вид затворска казна
Британското Министерство за одбрана го објави својот дневен извештај за ситуацијата во Украина. Во него се наведува дека рускиот одбранбен сектор многу веројатно вработува затвореници за да ги исполни барањата за производство. Во ноември 2022 година од „Уралвагонзавод“ (УВЗ), најголемиот руски производител на тенкови, изјавија за локалните медиуми по состанокот со Федералната служба за казни (ФСИН) дека ќе вработат 250 затвореници.
Latest Defence Intelligence update on the situation in Ukraine – 13 January 2023
— Ministry of Defence 🇬🇧 (@DefenceHQ) January 13, 2023
Find out more about the UK government’s response: https://t.co/Jr7a7koW8O
🇺🇦 #StandWithUkraine 🇺🇦 pic.twitter.com/s9NzHapWmK
Во Русија постои долга традиција на затворска работа, но од 2017 година принудната работа повторно е воведена како посебен вид затворска казна. ФСИН има повеќе од 400 000 затвореници под своја јурисдикција и често е обвинета за екстремна бруталност и корупција, пишува Министерството за одбрана.
Затворската популација им подарува на руските лидери уникатен човечки ресурс што може да го искористат за поддршка на „специјална воена операција“, со оглед на тоа што сè уште има недостиг од доброволци. Затворската работа е многу веројатно во голема побарувачка од производителите на релативно нискотехнолошки оружја како што е УВЗ, кои речиси сигурно се под силен притисок да го зголемат производството.