Бугарскиот премиер се надева дека мултидисциплинарната комисија ќе продолжи да функционира конструктивно, без оглед на политичката конјуктура и напрегнатата предизборна атмосфера во С.Македонија.
Спроведувањето на Договорот за пријателство, добрососедство и соработка било централната тема за која тој во Давос разговарал со шефот на македонската дипломатија Никола Димитров, соопштија од бугарската влада.
Во очекување на заедничкото претседателство со Берлинскиот процес, Борисов уште еднаш ја потврдил цврстата поддршка на Бугарија за отпочнување преговори за членство на С.Македонија во Европската Унија.