Владите на Европската Унија се согласија за планот за испраќање муниција во Украина во март, откако властите во Киев предупредија дека им се потребни артилериски куршуми
Земјите од Европската Унија испратија 220 000 артилериски гранати во Украина како дел од планот што беше лансиран претходно со цел да се зголеми понудата на муниција, соопшти денеска високиот претставник на Европската Унија за надворешна политика и безбедност, Жозеп Борел.
Тој додаде дека членките на Унијата испратиле и 1 300 проектили и дека се на пат да ја достигнат целта за испорачани милион парчиња муниција во период од една година, пренесува Ројтерс.
„Следните денови, недели и месеци ќе бидат стратешки одлучувачки за војната во Украина“,
рече Борел по состанокот на министрите за одбрана на ЕУ во Брисел.
Владите на Европската Унија се согласија за планот за испраќање муниција во Украина во март, откако властите во Киев предупредија дека им се потребни артилериски куршуми.
Програмата за поддршка е вредна повеќе од две милијарди евра, пренесува Танјуг.