Интересно е што уште еден генерал-мајор повеќе од една година е вклучен во борбата против коронавирусот. Станува збор за докторот на Генералштабот, Ханс-Улрих Холтерм (57), кој претходно бил управител на воената болница во Улм
Воените експерти на ова ново назначување првенствено гледаат како на маркетиншки потег
Идната германска влада ќе формира кризен штаб за сузбивање на пандемијата. Тој треба да дејствува брзо. Но, она што го привлече вниманието на медиумите е дека на чело ќе биде генерал на Бундесверот.
Идната германска федерална влада сака да формира нов кризен штаб „што е можно поскоро“ за борба против пандемијата.
„На чело ќе има германски генерал“,
објави на Твитер Кристијан Линднер, претседател на либералите (ФДП) и иден сојузен министер за финансии.
Според информациите на весникот „Зидојче цајтунг“ се работи за генерал-мајор Карстен Бројер. Од 2018 година тој е на чело на командата за територијални задачи на армијата на германскиот Бундесвер, која е задолжена за соработка на воените сили со цивилните организации.
„Од избивањето на пандемијата на коронавирус во Германија, велат упатените, 56-годишниот генерал постигна извонредни резултати“, особено кога станува збор за исполнување на барањата за помош што масовно пристигнуваа во Бундесверот во одредени периоди“,
пишува весникот.
Поддршка на Бундесверот
На почетокот на 2020 година, германската министерка за одбрана Анегрет Крамп-Каренбауер (ЦДУ) формира контингент во Бундесверот за да обезбеди помош во борбата против пандемијата. Тој контингент го задржала во текот на летото, во време кога многумина мислеле дека треба да се распушти бидејќи тогаш ситуацијата била смирена.
Интересно е што уште еден генерал-мајор повеќе од една година е вклучен во борбата против коронавирусот. Станува збор за докторот на Генералштабот, Ханс-Улрих Холтерм (57), кој претходно бил управител на воената болница во Улм. Од март 2020 година, тој го води одделот наречен „Заштита на здравјето, здравствена безбедност, одржливост“, кој потоа беше формиран во рамките на Сојузното министерство за здравство. Тоа тело, меѓу другото, е задолжено за дневни извештаи за состојбата со пандемијата.
Војници во кризниот штаб
Невообичаено е еден офицер да раководи со кризен штаб. Дури и за време на катастрофалните поплави во 1962 година на брегот на Северното Море, во кои животот го загубија 340 луѓе, Бундесверот беше вклучен во акциите, но тој не беше значително поврзан со кризниот штаб.
Воените експерти на ова ново назначување првенствено гледаат како на маркетиншки потег. И го поставуваат прашањето дали првиот човек на кризниот штаб ќе биде надреден во однос на идниот министер или министерот за одбрана. Но, Стивен Зајберт, портпаролот на владата во заминување, веќе јасно стави до знаење дека политичарите ќе продолжат да одлучуваат за насоката на борбата против коронавирусот.
Кристијан Линднер, пак, во понеделникот посочи дека кризниот штаб е важен за логистиката на вакцинацијата. А токму тоа е логистиката што Бундесверот ја организира со месеци. На почетокот на кампањата, воените институции складираа и дистрибуираа вакцини – во меѓувреме беа вклучени и цивилни компании. И контингентот „Обезбедување помош против коронавирусот“, во кој во одредени периоди беа вклучени 25 000 војници, за да се намали на 2 000 во летото 2020 година, сега повторно расте и моментално брои 8 000 членови на Бундесверот.
Germany’s in a #DELTAVariant surge & the #OmicronVariant is near, so the govt put a General in charge of the nation’s #COVID19 response. For 6 yrs, Maj. Gen. Carsten Breuer has led the Territorial Tasks Command of the Bundeswehr, Germany’s armed forces.https://t.co/dHsAHXMQIp
— Laurie Garrett (@Laurie_Garrett) November 30, 2021
Назначувањето на висок офицер на чело на кризниот штаб во секој случај става воен печат на борбата против ширењето на заразата.
Во средината на март минатата година, само неколку дена по првите жртви од коронавирусот во Европа, францускиот претседател Емануел Макрон ја предупреди својата земја за тешките времиња што претстојат, велејќи: „Ние сме во војна“.
Армијата е привремено или трајно вклучена во борбата против заразата во европските земји, кои како Франција и Шпанија имаа голем број починати во првиот бран на пандемијата.
Промена на курсот
Во Германија со претстојната промена на власта по парламентарните избори се промени и политичкиот курс. По завршувањето на примената на инструментот за епидемиолошка вонредна состојба, со помош на кој коалицијата предводена од канцеларката Ангела Меркел ја водеше земјата низ пандемија и неколку пати воведуваше долги затворања, сѐ уште не е целосно јасно како ќе дејствува идната влада. Коалицијата на социјалдемократите, зелените и либералите не сака нов карантин – иако некои од нивните политичари во меѓувреме не ја исклучуваат ниту таа мерка, пишува Дојче веле.
Новата влада најверојатно ќе ја преземе власта на 8 декември. Но, расте незадоволството од чекањето на тој датум за да се донесат неопходните политички одлуки. Сега е најавено дека Олаф Шолц наскоро ќе даде изјава за ова заедно со генералот Бројер. Тогаш кризниот штаб веќе би можел да почне да разговара, па дури и да одлучува пред новата влада да ја преземе власта.