Се работи за случај од 2017 до 2018 година кога четири пациенти во болница во Тексас, на возраст меѓу 47 и 74 години, добиле „симптоми слични на напади“ и починале од фатално оштетување на мозокот
37-годишниот Вилијам Дејвис денеска е прогласен за виновен за убиство
Медицински техничар од Тексас е прогласен за виновен поради убиство на четворица пациенти на кои им вбризгувал воздух во вените по операција на срцето.
Триесет и седум годишниот болничар, Вилијам Дејвис сега се соочува со смртна казна, објави Би-би-си.
Се работи за случај од 2017 до 2018 година кога пациенти во болница во Тексас, на возраст меѓу 47 и 74 години, добиле „симптоми слични на напади“ и починале од фаталнооштетување на мозокот, откако Дејвис им вбризгувал воздух во вените.
Пациентите претходно добро закрепнувале од операциите и на лекарите не им било јасно како нивната состојба драстично се влошила.
Во текот на судењето објавени се снимки од безбедносните камери на кои се гледа како болничарот влегува во една од собите на пациентите, а потоа се огласил алармот од срцевиот монитор.
Адвокатот на медицинскиот техничар, Филип Хејс, за време на судењето тврдеше дека нема конкретни докази дека луѓето починале од вбризгување воздух, изразувајќи верување дека неговиот клиент всушност бил „жртвено јагне за болницата со сериозни процедурални проблеми“.