„Русија ја нападна Украина“ е насловот кој вчера на својата веб-страница го објави Американската агенција Блумберг. Набргу потоа објавата беше избришана, а медиумот информираше дека веста е објавена по грешка.
„Подготвуваме наслови за различни сценарија и насловот „Русија ја нападна Украина“ беше случајно објавен на нашата веб-страница околу 16:00 часот во Источна временска зона (EST). Длабоко жалиме за грешката“, се вели
во денешното соопштение.
Оттаму додаваат дека раководството на агенцијата ја разјаснува причината за тоа што се случило.