Блинкен на прес -конференцијата во Доха со својот катарски колега рекол дека секогаш е загрижувачки кога ќе „видиме какви било ограничувања на слободата на изразување“
Шефот на американската дипломатија Ентон Блинкен денеска ја критикуваше Меѓународната фудбалска федерација (ФИФА), која им се закани на играчите дека ќе добијат жолт картон на Светското првенства во Катар, доколку капитените на тимовите носат ленти во бои на виножито, пренесуваат агенциите.
Блинкен на прес -конференцијата во Доха со својот катарски колега рекол дека секогаш е загрижувачки кога ќе „видиме какви било ограничувања на слободата на изразување“.
„Особено е така кога станува збор за изразување поддршка за различностите и инклузијата. Мислам дека некој на фудбалскиот терен не треба да биде принуден да бира меѓу поддржувањето на овие вредности и играњето за својата репрезентација“,
рекол Блинкен.
ФИФА ги предупреди екипите дека нивните играчи ќе ги добијат добијат жолти картони доколку капитените носеа ленти со натписот „Една љубов“ (One love), кои таа не ги одобрила.
Седумте европски национални тимови, меѓу кои Англија и Велс имаа намера да носат капитенска лента со боите на виножитото и натпис „Една љубов“, за што беа подготвени да платат и казни, но не можеа да преземат ризик од жолти картони за своите играчи.