Заради регулирање на потрошувачкиот однос на снабдувачот со потрошувачите утврден во Правилата за снабдување со топлинска енергија, потребно е да се склучи договор за снабдување со топлинска енергија
Новите договори за парно греење со ЕСМ снабдување со топлина ДООЕЛ Скопје потрошувачите ќе ги добијат по пошта. Никој нема да остане без парно греење, уверува директорот на Регулаторната комисија за енергетика (РЕК) Марко Бислимовски.
„Да, има проблеми со внатрешната инсталација во некои топлотни пумпи, не треба да се негира, но парно ќе има“,
рече Бислимоски во Дневникот на ТВ Сител во однос на стартот на грејната сезона во Скопје.
Тој потенцираше дека нема потреба да се прават гужви во пунктовите на ЕСМ.
„Нема опасност дека некој граѓанин ќе биде исклучен. Тие што ги немаат потпишано, ќе им бидат испратени во поштенските сандачиња заедно со сметките за парно. Тоа е вообичаена работа да се потпишат нови договори. ЕСМ има таква обврска. Сепак, граѓаните треба да знаат дека нема да бидат исклучени,
потенцира првиот регулатор.
Новите договори за парно греење со ЕСМ снабдување со топлина ДООЕЛ Скопје потрошувачите ќе може да ги склучат на три пункта со работно време од понеделник до петок од 08 до 18 часот и сабота од 9 до 13:30 часот. Пунктовите се на улица „Кочо Рацин“ бр. 33 кај Олимписки базен, на булевар „Јане Сандански“ бр. 49 во населба Аеродром и на улица „Лондонска“ бр. 8 во населба Тафталиџе.
Заради регулирање на потрошувачкиот однос на снабдувачот со потрошувачите утврден во Правилата за снабдување со топлинска енергија, потребно е да се склучи договор за снабдување со топлинска енергија.