Професорот на Универзитетот во Грац и експерт за Балканот смета дека со ветото се дискредитира ЕУ и се обесхрабруваат земјите- кандидатки
Блокадата на Бугарија на евроинтеграцијата на С Македонија го киднапира процесот на проширување на ЕУ, го загрозува кредибилитетот на Унијата и ги обесхрабрува другите земји кандидати. Потпишувањето декларации со кои аспирантите и земјите – членки ќе се обврзат да не си го блокираат патот кон ЕУ во однос на билатералните прашања треба да биде стандард, вели политичкиот аналитичар и експерт за Балканот, професорот на Универзитетот во Грац, Флоријан Бибер во изјава за МИА.
Сепак, според него, проблемот е повеќе во тоа што нема доволно земји во ЕУ кои се ентузијасти за проширувањето, кои се подготвени да притиснат и да извршат притисок врз своите колеги-членки за да се отстранат ваквите блокади.
Условувањата од Софија на европската интеграција на нашата земја со прифаќање на бугарските корени на идентитетот и јазикотспоред Бибер е проблематична од три аспекти:
„Прво, таа бара од Македонија нешто што не може да е предмет на политички одлуки и притисок меѓу земјите. Без оглед како да се толкува историјата, ова треба да биде работа на историчарите, инаку за историјата дискутираат аматери. Исто така, ја става историјата во служба на одредена нација. Второ, наметнување на национална историја на друг е малтретирање и исто така не е во согласност со добрососедските односи. Трето, ваквите прашања не треба да застанат на патот на пристапувањето во ЕУ бидејќи не се однесуваат на подготвеноста на Унијата за Северна Македонија. Со тоа се киднапира пристапот кон ЕУ. Земјите од Западен Балкан потпишаа двапати декларации со кои се обврзаа да не си го блокираат патот кон ЕУ во однос на билатералните прашања. Додека Бугарија нема потпишано, ова треба да биде стандард“,
вели Бибер.
За тоа дали ова е повторување на грчкото сценарио и што тоа ќе значи тоа за европскиот пат на С Македонија, Бибер посочува декаовој случај е многу поинаков, но дека на Бугарија ќе и биде тешкода ја одржи оваа своја позиција.
„Грција имаше приговор уште од независноста на земјата, додека Бугарија, иако е јасно дека има различни ставови од С.Македонија, тоа никогаш не го постави како услов. Со тоа таа уште повеќе губи на кредибилитет. Понатаму, Бугарија е послаба земја-членка на ЕУ со помалку моќ. Јас би очекувал дека ќе и биде тешко да ја одржи својата позиција. Борисов е генерално прагматичен и исто така се обидуваше да не се истакне или да биде во конфликт со мнозинството од ЕУ како Унгарија или Полска“,
вели Бибер.
Сепак, Бибер смета дека во случајов станува збор за кратковид националистички став на Софија, за кој нема поширока поддршка.
„Мислам дека не е стратешки, бидејќи плаќа цена за таквата позиција во ЕУ и исто така ги нарушува нејзиниот кредибилитет и односите со С. Македонија. Постојат и други кои се скептични во однос на проширувањето, како што се Франција и Холандија. Сепак, не изгледа дека тие во моментов се ‘кријат’ зад бугарската позиција. Проблемот е повеќе во тоа што нема доволно земји кои се ентузијасти за проширувањето, кои се подготвени да притиснат и да извршат притисок врз своите колеги-членки за да се отстранат ваквите блокади“,
заклучува аналитичарот Флоријан Бибер во изјава за МИА.