До несреќата дошло кога комбе со мигранти, кое се движело во правец од Пирот кон Ниш, поради несоодветна брзина за да ја избегне полициската патрола, слетало од коловозот во ендек
Во Ниш, во Универзитетскиот клинички центар утринава се примени 22 повредени во сообраќајна несреќа која се случи во близина на Бела Паланка. На автопатот Ниш – Пирот се преврте комбе со мигранти.
Во Општата болница во Пирот се примени17 пациенти.
„Сите се млади мажи, првично никој нема повреди опасни по живот, но додека не се подложат на дијагностика, не можеме да кажеме прецизно за степенот на повредите. Од нив 11 засега имаат завршено дијагностика, имаат ортопедски и неврохируршки повреди, сите се свесни“,
велат од оваа здравствена установа.
До несреќата дошло кога комбе со мигранти, кое се движело во правец од Пирот кон Ниш, поради несоодветна брзина за да ја избегне полициската патрола, слетало од коловозот во ендек.
Во тек е истрага, се земаат отпечатоци за утврдување на идентитетот на лицето кое го управувало комбето.