Поранешниот претседател на САД, Барак Обама стана стратешки партнер на новата НБА дивизија во Африка, се наведува на официјалната веб-страница на лигата.
Според договорот, Обама ќе поседува малцински удел во НБА Африка.
„Претседателот ќе ѝ помогне на лигата да ги спроведе програмите и партнерствата што поддржуваат родова еднаквост и економска вклученост“,
се вели во соопштението.
One of the things I’ve always loved about basketball is the fact that it brings people together and empowers young people everywhere. I’m proud to join the team at @NBA_Africa and look forward to seeing the change we can create across the continent. https://t.co/MzzFgm5QbT
— Barack Obama (@BarackObama) July 27, 2021
„Во Африка, кошарката може да придонесе за зајакнување, права, благосостојба и еднаквост низ целиот континент. Како претседател и основач на фондацијата, си поставив задача да привлечам млади луѓе од Африка. Тоа е затоа што Африка има највисок процент на млади во светот. И оваа нова генерација е подготвена за позитивна трансформација“,
порача Обама.
Во мај оваа година, НБА формално ја формираше НБА Африка дивизија за да управува со своите континентални бизниси, вклучително и Африканската кошаркарска лига (БАЛ). Истиот месец, лигата ја имаше својата прва сезона, чиј победник беше египетскиот клуб Замалек.