Претседателот на САД по повод годишнината од почетокот на руската агресија на Украина, исто така, истакна дека НАТО-алијансата, за која Путин мислеше дека ќе се скрши и подели, е посилна и пообединета од кога било
Пред една година претседателот на Русија, Владимир Путин, мислеше дека брзо ќе го заземе Киев, но се сретна со храброста на Украина и железната волја на нациите од секаде, напиша американскиот претседател Џо Бајден на својот официјален твитер-профил по повод денешниот ден на кој светот одбележува точно една од почетокот на руската агресија на Украина.
One year ago, President Putin thought he would swiftly take Kyiv.
— President Biden (@POTUS) February 23, 2023
Then he met the bravery of Ukraine and the iron will of nations everywhere.
Претседателот на САД по повод годишнината од почетокот на руската агресија на Украина, исто така, истакна дека НАТО-алијансата, за која Путин мислеше дека ќе се скрши и подели, е посилна и пообединета од кога било.
President Putin thought NATO would fracture and divide.
— President Biden (@POTUS) February 23, 2023
Instead NATO is stronger and more unified than ever before.
„Кога Русија ја нападна Украина, Америка и нашите сојузници застанаа цврсто. За суверенитет. За демократија. За слобода. Го посетив Киев за да кажам дека ќе продолжиме да бидеме обединети. Без разлика на сè“,
напиша Бајден на Твитер.
When Russia attacked Ukraine, America and our Allies stood strong.
— President Biden (@POTUS) February 23, 2023
For sovereignty. For democracy. For freedom.
I visited Kyiv to declare we will continue to stand united. No matter what. pic.twitter.com/FHUXMOHXVp
На 24 февруари 2022 милиони украинци се разбудија во нова реалност, во војна и за нив повеќе ништо не беше исто. Инвазијата на земјата ја објави рускиот претседател Владимир Путин, нарекувајќи ја „специјална воена операција“.
Првите експлозии во Киев одекнаа во 3:27 часот изутрината, а потоа цел на руските проектили беа и други делови на земјата.
Еден и пол час подоцна пред нацијата се обрати украинскиот претседател Володимир Зеленски кој соопшти дека земјата е цел на воена агресија од страна на Русија.
Денеска, на годишнината од почетокот на војната, Зеленски порача дека ова ќе биде година победа на Украина.
Изминатата година, оценува тој, беше година на болка, тага, верба и единство. Оваа, вели, ќе биде година на наша непобедливост и година на наша победа.
„На 24 февруари милиони од нас направија избор. Не бело знаме, туку сино-жолто знаме. Не бегање, туку соочување со непријателот. Отпор и борба“,
напиша Зеленски на социјалните мрежи.