На својата прва прес-конференција во Белата куќа, претседателот на САД, Џо Бајден, најави дека најверојатно ќе се кандидира за втор мандат на изборите во 2024 година.
„Одговорот е: да, планирам повторно да се кандидирам“,
рече Бајден.
Сепак, тој додаде дека никогаш со сигурност не планира однапред за тоа што ќе следува за 3-4 години.
Бајден има 78 години и е најстариот претседател на САД досега. На почеток на неговиот евентуален втор мандат би имал 82 години, а пред новинарите рече дека се чувствува физички способен за уште еден мандат.
Ако се кандидира, како што рече, кандидатка за потпретседателка повторно ќе биде Камала Харис.
На прашањето, пак, дали смета дека Доналд Трамп повторно ќе му биде противкандидат, тој одговори:
„За тоа навистина не размислувам. Навистина не знам кој ќе биде кандидат на Републиканската партија. Знаете ли вие?“