Соработниците на Бајден објавија дека тој ќе се опоравува во својот дом на плажата Рехоб во Делавер, како и дека ќе направи пауза во кампањата. Сепак, очекувањата, според неговите соработници, се дека тој ќе се врати во кампањата и во Белата куќа веднаш штом неговите лекари дадат зелено светло
Американскиот претседател Џо Бајден е позитивен на ковид-19, потврди Белата куќа. Веста е објавена откако Бајден не се појавил на настан поврзан со претседателската кампања во Лас Вегас.
Според изјавите на неговите доктори, тој има благи симптоми на ковид, а веќе има примено и вакцини.
„Политико“ пишува дека дека ваквата дијагноза не можела да дојде во полошо време за Бајден, особено што ќе мора да ја паузира кампањата, а со тоа ќе ги продлабочи и мислењата за неговатата влошена здравствена состојба, поради што многу демократи сметаат дека треба да се повлече од претседателската трка, нешто што како идеја се активира по дебатата со Трамп на Си-ен-ен.
President Biden is vaccinated, boosted, and he is experiencing mild symptoms following a positive COVID-19 test.
— The White House (@WhiteHouse) July 17, 2024
He will be returning to Delaware where he will self-isolate and will continue to carry out all of his duties fully during that time.
A note from @POTUS‘ Doctor:…
Соработниците на Бајден објавија дека тој ќе се опоравува во својот дом на плажата Рехоб во Делавер, како и дека ќе направи пауза во кампањата. Сепак, очекувањата, според неговите соработници, се дека тој ќе се врати во кампањата и во Белата куќа веднаш штом неговите лекари дадат зелено светло.
Ова не е првпат на претседателот на САД да му биде дијагностициран ковид-19. Тој беше заразен двапати во 2022 година.
Инаку, ваквата дијагноза на Бајден доаѓа во време на интензивно испитување на неговото здравје и издржливост, по дебатата со поранешниот претседател и кандидат за втор мандат Доналд Трамп.
Американските медиуми објавуваат дека неколку демократи му сугерирале на Бајден и на неговите соработници во кампањата да се откаже од претседателската трка, зашто се сомневаат во неговите способности да го совлада својот противкандидат Доналд Трамп.