Арсовска: Ќе покренеме постапки против лица кои ширеа лаги за безбедноста на мостот „Беласица“

Откако ЕСМ ќе заврши со иницијалната санација, ќе отпочне со монтирање на цевководот. И едното и другото се нивна обврска. Во ова Градот Скопје нема никаков импут, никаква обврска, ниту, пак, некакво влијание, а не е надлежна во одреден рок да им наложи да ги монтираат работите кои се во интерес на тоа грејната сезона да почне на време, рече градоначалничката на Град Скопје

Мостот „Беласица“ е безбеден и тоа постои како податок според вештачењето. Но, за да се пушти во целост, треба санација во долниот дел. ЕСМ ја презеде обврската за санација во долниот дел и откако тоа ќе заврши, тогаш ќе треба да се почне со поставување на цевките за топлинска енергија кои се извадени по пожарот што во мај го зафати мостот, изјави денеска градоначалничката на Град Скопје, Данела Арсовска

Таа додаде дека мостот има минорни оштетувања, кои не ја ефектуираат стабилноста и безбедноста.

„Постојат минорни оштетувања на мостот кои не ја ефектуираат стабилноста и безбедноста, меѓутоа тој мора да се санира првенствено од штетата којашто е предизвикана од горењето. Таа санација не ја прави ниту Градот Скопје ниту трето лице, ја прави оној којшто треба да ја изврши монтажата на тој потег. Откако ЕСМ ќе заврши со иницијалната санација, ќе отпочне со монтирање на цевководот. И едното и другото се нивна обврска. Во ова Градот Скопје нема никаков импут, никаква обврска, ниту, пак, некакво влијание, а не е надлежна во одреден рок да им наложи да ги монтираат работите кои се во интерес на тоа грејната сезона да почне на време“,

изјави Арсовска, по денешната прес-конференцијата поврзана со изборот на Скопје за Европска престолнина на културата 2028.

Можни се проблеми со греењето во Скопје ако смената на топловодните цевки под мостот „Беласица“ не успее навреме, вели Ковачевски

Градоначалничката најави и постапки против лица кои ширеле лаги и невистини за безбедноста на мостот „Беласица“.

Работници на ЕСМ денеска биле спречени да работат затоа што, според Арсовска, не поседуваат соодветна документација за работа за постапување со тешки товарни возила.

По речиси четири месеци откако го зафати пожар, мостот „Беласица“ на почетокот на месецов делумно беше отворен за сообраќај. По него може да сообраќаат само лесни возила во двете крајни коловозни ленти, додека двете средишни коловозни ленти ќе бидат отворени во моментот на завршување на градежните работи од страна на ЕСМ.

Град Скопје: Нема структурни оштетувања, мостот „Беласица“ од денеска делумно ќе биде отворен за сообраќај