Со пресудата за случајот „Насилствата во Центар“, Никола Груевски беше осуден на 1 година и 6 месеци затвор, додека Миле Јанакиески, Александар Трајковски, Дарко Стојлевски, Трајче Петковски, Игор Бошковски и Даниел Трифуновски добија условни казни
Според првостепената пресуда, за „Тарифа“ пак, која сега е укината, на тригодишни затворски казни беа осудени поранешниот генерален директор на АД ЕЛЕМ, Дејан Бошковски и вработените Методиј Стојменовски и Ненад Ѓорговски за злоупотреба на службената положба и овластувањето при набавка на софтверски систем за компанијата
Апелацискиот суд во Скопје ја потврди првостепената пресуда на Кривичниот суд за случајот „Насилство во Центар“, додека судењето за предметот „Тарифа“ се враќа од почеток, информираа од Кривичниот суд во соопштение до јавноста.
Судот, постапувајќи по жалбите на обвинетите против првостепената пресуда за случајот „Насилство во Центар“, ги одбил жалбите како неосновани, а пресудата на Кривичниот суд се потврдува.
Со пресудата Никола Груевски е осуден на 1 година и 6 месеци затвор, додека Миле Јанакиески, Александар Трајковски, Дарко Стојлевски, Трајче Петковски, Игор Бошковски и Даниел Трифуновски добија условни казни.
Случајот „Тарифа“ пак, кој го покрена згаснатото СЈО, „падна“ на Апелација, односно второстепениот суд ја укина првостепената пресуди и случајот го врати на повторно судење.
„Второстепениот суд ја укина првостепената пресуда – КОК бр. 51/17 од обвинителството означен како „Тарифа“ и предметот го врати на повторно судење, при што е заведен нов предмет со КОК бр. 123/21 за кој откако ќе биде насрочен термин за отпочнување со главната расправа, странките и јавноста ќе бидат дополнително известени“,
информираат од Кривичниот суд.
Според првостепената пресуда, која сега е укината, поранешниот генерален директор на АД ЕЛЕМ, Дејан Бошковски, доби три години казна затвор за злоупотреба на службената положба при набавка на софтверски систем за компанијата.
Освен него, по три години затвор судот изрече и за раководителите на сектори, Методиј Стојменовски и Ненад Ѓорѓовски, за истото кривично дело.