Државната комисија за спречување на корупцијата ќе проверува дали генералниот секретар на Владата, Драги Рашковски, надвор од своите ингеренции присуствувал на состанокот со претставниците на италијанската компанија „Леонардо“ и дали остварил влијание врз тендерот на М-НАВ.
Инаку, премиерот Зоран Заев и денеска повтори дека генералниот секретар на Владата Драги Рашковски во врска со случајот М-НАВ постапил согласно своите надлежности и по налог на Владата.
„Се работи за извршување на надлежностите со цел имплементација на проекти кои биле завршени уште во 2016-та во делот на тендерските постапки, селекцијата и изборот, но до конечната реализација никако не дошло. Само тоа е“,
нагласи Заев.
Тој исто така ги негира и наводите за можно влијание на Рашковски врз тендерот.
„Да се зборува за провизии на состанок на кој биле осум лица, е апсолутно далеку од која било нормална свест“,
оцени Заев.