Алабама ги финализираше првите протоколи за новиот метод во август, откако нејзиниот законодавен дом одобри алтернативен метод во 2018 година, според Информативниот центар. Државата има 165 затвореници осудени на смртна казна, информира државниот Оддел за затворски казни
Алабама го закажа првото погубување во Соединетите Држави со азотна хипоксија, алтернатива на смртоносната инјекција, објави гувернерот Кеј Ајви. Егзекуцијата на Кенет Смит треба да се случи на 25 или 26 јануари следната година, се наведува во соопштението за печатот на републиканскиот гувернер, пренесува Си-ен-ен.
Смртта од азотна хипоксија ги лишува мозокот и телото од кислород, па затвореникот умира од задушување, според Информативниот центар за смртна казна, непрофитна организација која следи, анализира и шири информации за смртната казна. Новиот развој во случајот на Смит доаѓа откако Алабама ги паузира егзекуциите минатата есен и ја промени процедурата за извршување по проблемите со смртоносните инјекции.
Алабама ги финализираше првите протоколи за новиот метод во август, откако нејзиниот законодавен дом одобри алтернативен метод во 2018 година, според Информативниот центар. Државата има 165 затвореници осудени на смртна казна, информира државниот Оддел за затворски казни. Адвокатите на Смит се „разочарани“ откако гувернерот му одреди датум на извршување на казната на нивниот клиент.
Случајот против Смит беше суден двапати
„Ние ќе продолжиме да бараме да ги оправдаме правата на г. Смит преку судскиот процес. Како и единаесетте поротници кои не веруваа дека Смит треба да биде погубен, ние остануваме со надеж дека оние што го разгледуваат овој случај ќе видат дека ова е уште еден обид за егзекуција – овој пат од експериментален, досега некористен метод и со протокол кој никогаш не му бил целосно откриен на него или на неговиот адвокат – неоправдано и нефер“,
велат тие.
Инаку, Смит е осуден за убиството на Елизабет Дорлен Сенет во 1988 година, кое според судот го извршил со соучесник. Двајцата биле регрутирани од сопругот на Сенет кој бил вмешан во аферата со тоа што поднел голема осигурителна полиса за неговата сопруга.
Случајот на Смит беше суден од пороти двапати, потсети државниот обвинител на Алабама, Стив Маршал. И двете судења резултираа со осудителни пресуди. Во повторното судење во 1996 година, поротата на Смит гласаше со 11–1 за да препорача доживотен затвор, но судијата го отфрли и изрече смртна казна.