Според податоците на американскиот универзитет „Џон Хопкинс“, во светот се регистрирани речиси 612 милиони случаи на ковид-19, а починале повеќе од 6,5 милиони луѓе
Американскиот претседател Џо Бајден, во интервју за Си-би-ес, кое беше емитувано синоќа, изјави дека пандемијата на ковид-19 е завршена.
„Пандемијата заврши, но сè уште имаме проблем со ковид. Ако погледнете, никој не носи маска. Се чини дека сите се во прилично добра форма. Работите се менуваат и мислам дека тоа е совршен пример“,
рече Бајден во интервјуто.
Според податоците на американскиот универзитет „Џон Хопкинс“, во светот се регистрирани речиси 612 милиони случаи на ковид-19, а починале повеќе од 6,5 милиони луѓе.
Во САД имаше повеќе од 95 милиони случаи на ковид-19, а повеќе од еден милион луѓе починаа.
На крајот на август со вирусот беше заразена и сопругата на Џо Бајден, Џил.
Просечно 390 луѓе сè уште умираат во САД секој ден од компликации откако биле позитивно тестирани за коронавирусот.
САД неодамна одобри две нови вакцини приспособени на доминантната варијанта на вирусот – омикрон.