Според Алијансата за Албанците, од говорот на Груби се покажало дека партнерите во новата влада немаат заеднички јазик
Алијансата за Албанците, во соопштение до јавноста реагира на денешната прес-конференција на вицепремиерот и министер за политички систем и односи со заедниците, Артан Груби.
Од партијата, меѓудругото, посочуваат дека изјавата на Груби дека „на правдата нарачана по телефон и е дојден крајот“ е контрадикторна и е признание дека досега се судело селективно.
„Тој вели дека не може да има правда за едниот и различно за другиот, различна за политичарите и различна за граѓаните и правда нарачана по телефон. Парадоксална изјава, бидејќи тој самиот признава дека правдата била селективна и дека досега таа била нарачана по телефон. Никој повеќе не му верува на Артан Груб, па дури ни на владата. Во оваа прилика, ве потсетуваме на времето кога Артан Груби беше партнер на Груевски. По случајот во Кале Скопје, тој изјави дека СДСМ му понудил да создаде етнички проблеми, но тој одбил. СДСМ категорично ја демантираше оваа изјава. До денес не е познато кој изневерил, Артан или СДСМ. Истото денес по оваа конференција, не знаеме кој е во право? Артан со она што го изјави денес, или Заев со она што го рече на неговото експозе?“
се вели во партиското соопштение.
Според Алијансата за Албанците, од говорот на Груби се покажало и дека партнерите во новата влада немаат заеднички јазик.
„Кога ќе ги споредите овие негови изјави со говорот на премиерот во парламентот, тешко дека ќе најдете заеднички јазик. Освен најпопуларниот тривијален јазик за меѓународно партнерство, овие две клучни фигури на партнери во новата влада немаат ништо заедничко во нивниот вокабулар. Тие продолжуваат да фрлаат пепел во очите на јавноста и даваат демагошки изјави, секој за дел од своето мислење и се подразбира дека заедничката работа за која ќе бидат ангажирани се тендерите, бизнисите и нивните партиски придобивки. И тој е контрадикторен на самиот себе. Тој вели дека ќе се залага за систематизација на администрацијата, за признавање на нивните дипломи, вели дека ќе започнат да ја следат реализацијата на целосната еднаквост, ќе бидат посветени на спроведувањето на законот на албански јазик итн. Овие изјави докажуваат дека досега ништо не е сторено во врска со ова. Ако сега планирате да започнете да ги спроведувате, тоа значи дека не сте започнале во последните 18 години и никој не верува дека сте сериозни“,
велат од Алијансата на Албанците.