За тоа кој ќе биде премиер, тој вели дека прво зависи од внатрепартиските избори во СДСМ, по што следува разговор и одлучување во партиските тела, тука ќе се дефинира кој е мандатарот предложен од СДСМ, и треба да се помине и филтерот на разговори со коалициските партнери. На крајот доаѓа гласањето во парламентот
Ако биде избран за претседател на СДСМ, Димитар Ковачевски ќе се потруди да ги идентификува најдобрите кадри и да привлече стручни лица однадвор, како и луѓе од дијаспората од приватниот сектор и науката, кои ќе можат да преземат одредени одговорности за поефикасно справување со предизвиците не само на партиско, туку и на институционално ниво.
„Давање фер шанса на најдобрите и во партијата и во државата е мојата цел“,
рече Ковачевски вечерва во интервју за Сител, кој е еден од тројцата кандидати кои досега поднесоа кандидатури за лидер на СДСМ.
На прашањето дали ќе ги врати дистанцираните членови на СДСМ како Максим Димитриевски, одговори дека е секогаш подготвен за разговор и отворен да слушне различни мислења.
„СДСМ има над 80 000 членови и сите делат социјалдемократски вредности. СДСМ има демократски капацитет да има и спротивставени мислења на членовите. Треба да се седне и да се разговара за да се види како може да се усогласат различните мислења и од тоа да се извлече нов квалитет. Ако бидам избран за претседател на партијата ќе бидам отворен секогаш за разговор со секој што има различно мислење, а дали јас ќе го иницирам тоа или некој друг, е ирелевантно“,
рече Ковачевски.
За тоа кој ќе биде премиер, тој вели дека прво зависи од внатрепартиските избори во СДСМ, по што следува разговор и одлучување во партиските тела, тука ќе се дефинира кој е мандатарот предложен од СДСМ, и треба да се помине и филтерот на разговори со коалициските партнери. На крајот доаѓа гласањето во парламентот.