Начинот на кој работи македонско-бугарската комисија за исторски прашања и какво значење за двете земји ќе има нејзината работа, во интервју за Канал 77, го објаснува ко-претседателот на ова тело историчарот Драги Ѓоргиев
Ѓоргиев уверува дека Северна Македонија нема да преземе еднострани обврски и дека се што ќе направи комисијата ќе биде на база на реципроцитет.
„Не може Северна Македонија да ги менува учебниците, а Бугарија да не смени ништо во нејзините учебници. Не може Северна Македонија да смени натпис на некој од спомениците на пример, ако дојде до тоа, а Бугарија да не смени, да остане онака како што е. Тука има реципроцитет. Тоа е двострано, реципрочно. Ние ги добивме сите учебници од Бугарија како што и тие ги добија македонските учебници. Сите обврски кои ќе произлезат од препораките на пример за заедничко чествување се однесуваат и на Бугарија, не само на Македонија. Препораките се однесуваат и на бугарските учебници, а не само на македонските учебници“,
вели Ѓоргиев.
Ѓоргиев ја уверува јавноста дека не треба да се плаши дека доколку процесот дојде до точка кога ќе треба да има промени, дека тие ќе се случат само во Северна Македонија, а не и во Бугарија.