Според Абазовиќ, преку „Отворен Балкан“, Западен Балкан бара нова прогресивна политика, а како што кажа, очекува Црна Гора наскоро да биде дел од иницијативата
„Отворен Балкан“ е успешна иницијатива, а Црна Гора сака да се најде во иницијативите што се прогресивни и успешни – иницијативи што водат кон помирување и напредок, изјави црногорскиот премиер во заминување Дритан Абазовиќ на отворањето на лидерскиот самит на „Отворен Балкан“.
Според Абазовиќ, преку „Отворен Балкан“, Западен Балкан бара нова прогресивна политика, а како што кажа, очекува Црна Гора наскоро да биде дел од иницијативата.
„Регионот праќа пораки кои во минатото не можеше да ги праќа – тоа што другите не можат да се договорат, овој регион може да се договори. Се пробавме низ историјата – пробавме со ѕидови, пробавме со војни, пробавме со кризи, со конфликти, со обвинувања. Не пробавме уште да соработуваме. Време е да го одбереме мирот и да одбереме напредок“,
оцени Абазовиќ.
Абазовиќ смета оти е време да разбереме дека поголема флексибилност на граници не значи менување на границите, туку поголема можност за помирување, за бизнис и напредок, за обединување, за мобилност, и се она што треба да значи влевање на еден нов европски дух во регионот.
„На граѓаните им е доста од политиките на минатото, од национализам, обвинувања, треба да понудиме нешто друго, а тоа значи поголема соработка. И во еден миг кога сите ќе ги задоволиме сите стандарди, заедно да се најдеме во големото европско семејство“,
истакна Абазовиќ.