Регионите Шибеник-Книн и Сплит-Далмација во Хрватска од денеска се на листата на ризични региони на германскиот институт за заразни болести Роберт Кох (РКИ).
Врз основа на тоа, се очекува Министерството за надворешни работи да издаде предупредување да не се патуваво тие делови од Хрватска.
Списокот на ризични региони, значи дека сите кои доаѓаат од овие подрачја се обврзни да се тестираат за ковид-19 и се во карантин до добивањето на резултатот.
Главниот критериум за класифицирање на подрачје како ризичен регион е дека во изминатите седум дена имало повеќе од 50 новозаразени на 100 000 жители.