По високите тонови и тврдата реторика во првите денови по изборите, во која постојано се акцентираа црвените линии на ДУИ при евентуално учество во идната влада, по денешниот статус на Фејсбук, се добива впечаток дека организацискиот секретар на оваа партија, Артан Груби ја „спушта топката“.
„Време е за умереност, смиреност и да ги засукаме ракавите со цел да продолжиме на нашиот евроатлански пат, толку потребните реформи кон вистинско владеење на правото и бескомпромисна борба против корупцијата и криминалот, но и економско закрепнување за да се поправат последиците од ковид-19 со воспоставување на одговорни институции“,
се вели во објавата на Груби.
Интересно е дека овој статус на организацискиот секретар на ДУИ доаѓа непосредно по средбата на неговиот партиски колега, вицепремиерот Бујар Османи со евроамбасадорот Жбогар.