„Бајден е неспособен да каже две реченици по ред. Јас нема да кажам дека не е способен да биде претседател. Сепак, претседателот мора да биде паметен, силен и многу повеќе“, рече Трамп, во интервју за телевизијата Фокс њуз
Американскиот претседател Доналд Трамп (74) ги отфрли резултатите од последната анкета, според која предноста на неговиот демократски противник Џозеф Бајден, расте во јавното мислење.
„Прво и најважно, јас не губам затоа што ова се анкети без никаква врска“,
рече Трамп во интервјуто што го објави денеска американската телевизија Фокс њуз.
Според најновата анкета, 49 отсто од граѓаните би гласале за Бајден, а 41 отсто за Трамп.
„Бајден е неспособен да каже две реченици по ред. Јас нема да кажам дека не е способен да биде претседател. Сепак, претседателот мора да биде паметен, силен и многу повеќе. Тој воопшто не излегува од неговите подземни одаи“,
рече Трамп кога го прашаа дали смета дека Бајден е „сенилен“.
Бајден (77) најголемиот дел од времето го поминува во својата резиденција во американската држава Делавер, од каде што прави напори во медиумската кампања пред претседателските избори во ноември. .
Трамп исто така одби да ги признае резултатите од анкетата на Фокс њуз, според која испитаниците сметаат дека тој е помалку компетентен од Бајден. Тој предложи двајцата да полагаат тест за интелегенција за да се утврди нивната компетентност.