Новото издание на емисијата „360 степени”, во кое гостува новата шефица на ОЈО ГОКК, Искра Хаџи Василева, се емитува вечерва (16 ноември 2026 г.) од 20:30 часот на МРТ 1
Со букет цвеќе, Ислам Абази денеска ѝ ја предаде функцијата на Искра Хаџи Василева. Основното јавно обвинителство за гонење организиран криминал и корупција (ОЈО ГОКК) таа го познава однатре – последниве две години токму таму работеше како обвинителка. Што ќе смени сега, кога колегите ја избраа да го води? „Допрениот глас е нешто што нè обврзува“, рече Хаџи Василева во кампањата. Што значи тоа во случајот со Алта банка? Ќе ги побара ли од Народната банка документите врз основа на кои српската банка доби согласност да ја преземе Стопанска банка Битола? Кој во практика одлучува што ќе се истражува – обвинителството или полицијата? И треба ли шефицата на ова обвинителство да го има бројот на премиерот во својот телефонски именик? Во новото издание на „360 степени“ на МРТ 1 гостува Искра Хаџи Василева, новата шефица на ОЈО ГОКК.
Емисијата се емитува од 20:30 часот на МРТ 1.
