„Тие (кандидати) доаѓаат од различни средини и застапуваат различни политички гледишта, но ги обединуваат заеднички вредности, верба во јавната служба и посветеност да ги стават луѓето од своите изборни единици и држави на прво место“, напиша Обама на платформата Икс
Инаку, едно од неговите најзначајни појавувања во кампањата беше покрај прогресивниот демократ Абдул Ел-Сајед, кој ја освои трката за американскиот Сенат во Мичиген, станувајќи првиот муслиман избран во горниот дом на Конгресот
Поранешниот американски претседател Барак Обама ја поздрави убедливата победа на демократите на меѓуизборите за Конгресот во Соединетите Американски Држави (САД), оценувајќи ги како јасна порака од гласачите.
На вчерашните избори, демократите ја презедоа контролата врз Претставничкиот дом и Сенатот од републиканците на претседателот Доналд Трамп, што се толкува како силна порака на американските гласачи дека се против политиките на неговата администрација, од чиј мандат остануваат уште две години.
„Вечерва, американскиот народ испрати јасна порака – сака политика што ги обединува луѓето, а не што ги разделува, и лидери што нудат конкретни решенија за предизвиците со кои се соочуваат“,
напиша Обама на социјалната платформа Икс.
Според него, демократите ги постигнале овие резултаи благодарение на тоа што во секој регион на земјата се појавиле извонредни кандидати, вклучително и во области каде што претходно се сметаше дека шансите за успех се минимални.
„Тие (кандидати) доаѓаат од различни средини и застапуваат различни политички гледишта, но ги обединуваат заеднички вредности, верба во јавната служба и посветеност да ги стават луѓето од своите изборни единици и држави на прво место“,
изјави поранешниот претседател на САД.
Тој искажа благодарност и до, како што наведе, илјадниците изборни службеници и волонтери од двете партии, кои помогнале да се обезбеди непречено одвивање на изборите, извршувајќи ја, според него, една од најважните функции во американската демократија.
На крајот Обама порачува дека иако на актуелната администрација на претседателот Доналд Трамп ѝ остануваат уште две години на власта, задачата на демократите сега е да ги „засукаат ракавите“ и да спроведат промени секаде каде што имаат моќ за тоа.
„Да спречиме понатамошна штета и да ги поставиме темелите за иднината“,
порача Обама.
Tonight, the American people sent a clear message — they want a politics that brings people together rather than divides them, and leaders who offer concrete solutions to the challenges they face. These results were only possible because outstanding candidates stepped forward in every region of the country — including in areas once considered long shots. They came from different backgrounds and represented a range of political perspectives, but were united by shared values, a belief in public service, and a commitment to putting the people of their districts and states first. We also owe a debt of gratitude to the thousands of election officials and volunteers from both parties who helped ensure a smooth election and carried out one of the most essential functions of our democracy. While this administration has another two years in office, our job now is to roll up our sleeves, make changes wherever we have the power to do so, prevent further damage, and lay the groundwork for the future.
— Barack Obama (@BarackObama) November 4, 2026
Инаку, едно од неговите најзначајни појавувања во кампањата беше покрај прогресивниот демократ Абдул Ел-Сајед, кој ја освои трката за американскиот Сенат во Мичиген, станувајќи првиот муслиман избран во горниот дом на Конгресот.
Покрај победата на Ел-Сајед во Мичиген, демократите остварија уште неколку значајни резултати, како што е победата на Џејмс Таларико, кој стана првиот демократ од Тексас што освоил место во Сенатот во последените 38 години. Адам Хилтон, пак, е првиот припадник на овој политички табор кој победил во трката за Сенатот во сојузната држава Канзас уште од 1932 година.
Демократите испишаа историја и во неколку трки за гувернерската функција. Победата на Киша Ленс Ботомс во Џорџија значи дека таа ќе стане првата црномуреста жена гувернер во историјата на САД. Џина Хинохоса влегува во историјата како прва гувернерка од латиноамериканско потекло во Тексас, и прв демократ на таа функција уште од 1990 година. Во меѓувреме, Дејвид Краули стана првиот црномурен гувернер на Висконсин, откако победи на изборите.